Mabilnyja apieratary vyrašyli pakul nie adklučać papularnych taryfnych płanaŭ
Mabilnyja apieratary MTS i A1 vyrašyli nie adklučać papularnyja taryfnyja płany, jak heta płanavałasia raniej. Praŭda, ich viartańnie ci zachavańnie ciapier abstaŭlena peŭnymi ŭmovami, piša Tochka.by.
Kampanija A1, praanalizavaŭšy pieravahi svaich karystalnikaŭ, vyrašyła dazvolić im viarnucca da starych taryfaŭ liniejki «Bieź limitu». Adnak novyja padklučeńni da hetych taryfaŭ buduć niemahčymyja, bo jany zastanucca ŭ archivie. Usie ž, chto karystaŭsia hetymi taryfami, zmohuć adnavić ich, padrabiaznuju infarmacyju kampanija abiacaje raźmiaścić na svaim sajcie.
Padobnaje rašeńnie było pryniata i ŭ MTS: terminy zakryćcia archiŭnych taryfaŭ pieranieśli. Bolš za toje, karystalniki zaŭvažyli, što taryf «Bieźlimitiŝie» znoŭ dastupny ŭ mabilnym dadatku. Apieratar padkreślivaje: usie, chto samastojna pierajšoŭ na inšy taryf z-za paviedamleńniaŭ pra zakryćcio, mohuć biaspłatna viarnucca na raniejšy płan.
Raniej paviedamlałasia, što ciapier pastanovaj Savieta Ministraŭ u Biełarusi zabaroniena padklučać płatnyja pasłuhi biez zhody karystalnika. Takoje rašeńnie pryniali paśla šmatlikich skarhaŭ ad abanientaŭ. Ciapier usie dadatkovyja płatnyja servisy možna padklučyć tolki z dazvołu klijenta.
Z 1 krasavika ŭstupajuć u siłu novyja praviły pa płatnych padpiskach ad mabilnych apierataraŭ
MTS spyniaje absłuhoŭvańnie niekatorych taryfnych płanaŭ
Nie vyjazdžaŭ ź Biełarusi, a trapiŭ na roŭminh: jak žychar Brestčyny straciŭ hrošy na mabilnaj suviazi
Usie mabilnyja apieratary zapuścili bazavy taryf. U kaho samy tanny?
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary