U Biełarusi budzie zdymacca indyjskaje trevieł-šou

U Biełaruś pryjechała zdymačnaja hrupa ź Indyi — supracoŭniki miedyjakampanii Bollylands.com, kab źniać trevieł-šou pra turystyčnyja mahčymaści Biełarusi. Pra heta paviedamiła Nacyjanalnaje ahienctva pa turyźmie.

Fota: Nacyjanalnaje ahienctva pa turyźmie

U składzie hrupy — 7 čałaviek. Na praciahu tydnia jany buduć zdymać znakavyja miescy krainy: sučasnyja i histaryčnyja abjekty Minska, «Minsk-Arenu», Muziej narodnaj architektury i pobytu, śviata Kupalla ŭ vioscy Aziarco, a taksama centr vodnałyžnaha sportu.

Indyjskija žurnalisty taksama naviedajuć Liniju Stalina, Biełaruski aŭtamabilny zavod u Žodzinie, Niaśvižski i Mirski zamki, sanatoryj «Aziorny» i ahraturystyčny kompleks «Karobčycy» pad Hrodnam.

Tur zavieršycca 27 červienia na kinastudyi «Biełaruśfilm».

Kamientary da artykuła