Kiraŭnik biełaruskaha Čyrvonaha kryža Šaŭcoŭ: Skažu jak doktar, homaseksualizm — heta chvaroba

Homaseksualnaść — heta «psichičny razład», jaki vyklučyli ź mižnarodnaj kłasifikacyi chvarobaŭ «za hrošy», zajaviŭ kiraŭnik Biełaruskaha Čyrvonaha Kryža Dźmitryj Šaŭcoŭ u intervju «SB».

«Naprykład, jak doktar, ja maju prava skazać u efiry, što homaseksualizm — heta chvaroba. I raniej jana razhladałasia jak adzin ź psichičnych razładaŭ asoby. Kali čałaviek admaŭlaje prynaležnaść ułasnaha połu, dyk heta nie narmalna», — zajaviŭ Šaŭcoŭ.

Pa jaho słovach, vyklučeńnie homaseksualnaści ź Mižnarodnaj kłasifikacyi chvarob adbyłosia «za hrošy», i siońnia, jak jon śćviardžaje, «kuplajuć što zaŭhodna, navat SAAZ».

«To bok praź niejki čas całkam zakonna moža źjavicca, skažam, hramadstva kanibałaŭ? Usio heta vielmi sumna. Jany źniščajuć ułasnyja nacyi», — panarakaŭ jon.

Kamientary da artykuła