Restarany Mak.by siońnia niezapłanavana spyniali svaju pracu
26 červienia 2025 hoda restarany chutkaha charčavańnia Mak.by časova spyniali pracu. Na dźviarach ustanoŭ źjavilisia abjavy pra techničnyja prablemy. Pryčyna była ŭ zbojach płaciežnaj sistemy, piša Office Life.
Fota: Office Life
Prablemy zakranuli ŭsie punkty sietki pa ŭsioj Biełarusi, u tym liku i słužbu dastaŭki. U vyniku ŭ testavym režymie spačatku adnaviŭ pracu tolki adzin punkt u handlovym centry Dana Mall. Ale ŭžo da 18:25 usie restarany znoŭ zapracavali.
Mak.by źjaviŭsia ŭ Biełarusi paśla taho, jak u 2022 hodzie z krainy pajšoŭ McDonald's. Spačatku sietkaj kiravali byłyja frančajzi pad nazvaj «KSB Viktary Restarany», a viasnoj 2023 hoda brend pierajmienavali ŭ Mak.by. U 2024 hodzie ŭ sietki źjaviŭsia novy ŭłaśnik — biznesmien z małočnaj haliny Alaksiej Saŭčuk.
Čytajcie taksama:
Mak.by vypuściŭ burhier z kvašanaj kapustaj
Ułady pachvalilisia, što ŭ Mak.by 90% ježy hatujuć ź miascovych praduktaŭ
Mak.by zapuściŭ ułasnuju dastaŭku ježy
Minčuk prapanavaŭ kupić čyzburhier z «Makdonaldsa», zamarožany ŭ 2022 hodzie. Cana kusajecca