Ukraincy nanieśli paśpiachovy ŭdar pa rasijskim śpiecnazie na akupavanaj terytoryi. Zahinuli 11 čałaviek
18 červienia 2025 hoda ŭkrainskimi vojskami byŭ naniesieny rakietny ŭdar pa ŭkryćci padraździaleńnia 346-j asobnaj bryhady śpiecyjalnaha pryznačeńnia (v/č 31681, dysłakavanaja ŭ Prachładnym Kabardzina-Bałkaryi) u rajonie horada Pałohi na terytoryi akupavanaj Zaparožskaj vobłaści, piša telehram-kanał «Dośje špiona».
Fota ilustracyjnaje
Paśla ŭdaru budynak abrynuŭsia i asabovy skład, jaki znachodziŭsia va ŭkryćci, zadychnuŭsia ad niedachopu pavietra.
Usiaho zahinuła 11 vajskoŭcaŭ padraździaleńnia, siarod jakich načalnik štaba Alaksandr Vołkaŭ z pazyŭnym «Manhust».
Čytajcie taksama:
Rasija ŭdaryła pa Dniapry balistyčnaj rakietaj. Razburany damy, balnicy i škoły