U Biełarusi znojdzieny samy aryhinalny sposab adpužvańnia kratoŭ
Na niestandartny krok u baraćbie z kratami pajšła biełaruska. Videa vyratavańnia ŭčastku, jakoje vykłała jaje dačka, sabrała 4,4 młn prahladaŭ.
«Ja zaraz pakažu, jak maja mama kratoŭ adhaniaje ŭ aharodzie svaim, — raspaviadaje ŭ tyktoku karystalnica Krasopetra. — Adkapała dzirku tam, dzie krot, ustaviła kałonku i chrenačyć tudy basy. Krot tam uvohule ŭ šoku, blin».
Pad videa bolš za 7 tysiač kamientaroŭ. Značnaja ich častka tyčycca repiertuaru.
Šmat chto raić Rammstein — maŭlaŭ, tam dobryja basy dla kratoŭ.
Niechta paraiŭ Taniu Bułanavu — «chaj kraty ŭ ślazach patonuć».
Ale lidarkaj možna ličyć Volhu Buzavu: «Kali Buzavu fihačyć, to i čarviaki raspaŭzucca, i muchi papadajuć». «Uklučycie im Buzavu. Jany nazaŭždy zabuduć darohu da vas na aharod», — rajać kamientatary.