U Biełarusi vyjavili ajčynnuju prypravu z kišačnaj pałačkaj i ćvillu
U prypravie «Sumieś biełaruskaja», jakuju vyrablała Ivacevickaje rajspažyŭtavarystva, znajšli škodnyja mikraarhanizmy. Dziaržorhany pravieryli jakaść i biaśpieku hetaj prypravy i vyrašyli: jaje nielha pradavać i vykarystoŭvać.
Pavodle epidemijołahaŭ, u prypravie było šmat ćvili — u 10 razoŭ bolš, čym dazvolena. A taksama znojdziena kišačnaja pałačka — heta bakteryja, jakaja moža vyklikać atručvańnie i inšyja prablemy z stravavańniem.
Taksama vyjaŭlenyja kłastrydyi — niebiaśpiečnyja bakteryi, jakija mohuć pryvieści da ciažkich infiekcyj. U charčovych praduktach ich być nie pavinna navat u minimalnaj kolkaści.
Tamu prypravu zabaranili pradavać, jana pavinna być całkam vyviedziena z handlu.