«Achranieć prosta. Kuplajcie biełaruskaje». Pakupnica aburyłasia napaŭhniłymi kabačkami ŭ kramie
U kramie «Śviatłafor» u Ždanovičach pakupnica zaŭvažyła napaŭhniłyja kabački. Cana na ich — 4,65 rubla za kiłahram.
Skrynšot videa ŭ tyktoku
«Čamu ich nichto dahetul nie štrafuje za takuju chreń. Pahladzicie, što jany pradajuć», — pierabiraje žančyna sapsavanyja kabački. Videa z kramy ŭ tyktoku jana zapisała 28 červienia.
«Niama słoŭ — adny emocyi. Achranieć prosta. Kuplajcie biełaruskaje, usio śviežaje, uradžaj 2025 hoda», — u šoku pakupnica ad jakaści pładoŭ.
Aściarožna: u videa jość niecenzurnaja leksika.
U kamientarach niekatoryja dzielacca, što ŭ kramach «Śviatłafor» časta pradukty nizkaj jakaści. «Ničoha dziŭnaha, mima zamarožanaj ryby zaŭsiody z zakrytymi vačyma prachodžu. Strašna hladzieć. Anučy, hubki, papieru i jakijaś haspadarčyja tavary brać možna, a voś ź ježaj lepš nie ryzykavać».
«Što vy chočacie ad «Śviatłafora»? Ja tam tolki viodry na daču dla śmiećcia kuplaŭ, dla praduktaŭ jość inšyja kramy».
Ale prablemy byvajuć u roznych kramach.
«U Mahilovie na Palavoj takaja kapusta śviežaja lažała dzion 5 tamu. Pradaŭcy na zaŭvahu adkazali: nie padabajecca, nie biarycie», — pišuć u kamientarach.
«U Mazyry takija ž bačyła».
«Tamu što śviežaja pradukcyi, treba akuratnieńka ź imi abychodzicca, a nie pierasypali siudy, pakłali tudy. Jany stuknulisia — i ŭsio, i pradukty ciamniejuć», — tłumačać taki vyhlad kabačkoŭ.
Čytajcie taksama:
«Dumajecie, heta čarha pa kaŭbasu?» U Homieli sotni čałaviek stajali ŭ čarzie ŭ kramu
U kramach buduć pradavać bulbu «Umka»
Fix Price pačaŭ stavić u svaich kramach kasy samaabsłuhoŭvańnia