U Hdyni zatrymali biełarusa z narkotykami

U Hdyni palicyja zatrymała 49-hadovaha hramadzianina Biełarusi, jaki kiravaŭ aŭtamabilem Toyota. Padčas darožnaj pravierki palicejskija znajšli ŭ mašynie narkotyki — kala 5 hramaŭ kanoplaŭ i amal 50 hramaŭ mietamfietaminu, ź jakich možna zrabić 97 dozaŭ.

Fota: gdynia.policja.gov.pl

Incydent adbyŭsia ŭ paniadziełak, kali palicyja spyniła mašynu na vulicy Varšaŭskaj. Paśla pravierki mužčynu zatrymali i źmiaścili ŭ izalatar. Taksama kanfiskavali jaho aŭtamabil koštam kala 3000 złotych (kala 750 dalaraŭ).

U sieradu biełarusa dastavili ŭ prakuraturu, dzie jamu vystavili abvinavačańnie ŭ niezakonnym vałodańni narkatyčnymi rečyvami. Jamu pahražaje da 3 hadoŭ pazbaŭleńnia voli.

Kamientary da artykuła