Siadzibu Bykava ŭziali pad asablivuju achovu dziaržavy
Ministerstva kultury zaćvierdziła prajekt zon achovy vakoł siadziby siamji Vasila Bykava ŭ vioscy Byčki na Vušaččynie.
Zaraz muziej, dzie naradziŭsia narodny piśmieńnik, aficyjna atrymaŭ status historyka-kulturnaj kaštoŭnaści z vyznačanymi miežami terytoryi, dzie zabaroniena zabudova, vysiek lesu, a taksama źmieny, što mohuć naškodzić aŭtentyčnamu łandšaftu i vyhladzie.
Pad achovaj apynułasia nie tolki sama chata-muziej, ale i prylehłaja aleja pamiaci z vałunom, ustalavanym na miescy, dzie była chata, u jakoj naradziŭsia Vasil Bykaŭ.
Ciapier u hetaj zonie zabaroniena budaŭnictva, źniščeńnie zialonych nasadžeńniaŭ, ustanoŭka rekłamy i inšyja dziejańni, što mohuć pieraškodzić zachavańniu kulturnaj spadčyny.