Na stancyi Kaladzičy pad Minskam uźnikli prablemy z vyvazam kantejnieraŭ

Na čyhunačnaj stancyi Kaladzičy apošnimi dniami nazirajucca zatrymki z afarmleńniem i vyvazam kantejnieraŭ, piša Office Life.

Fota: arslog.by

Jak paviedamlaje kampanija STA Logistic, hałoŭnaja pryčyna — mocny viecier, z-za jakoha pracu kranaŭ pieryjadyčna spyniajuć — časam na ceły dzień. Heta vyklikaje zatrymki z adhruzkaj kantejnieraŭ, a taksama stvaraje ciažkaści pry zdačy pustych. U asobnych vypadkach zatrymka moža doŭžycca da sutak.

Da taho ž pierad doŭhimi vychadnymi pavialičvajecca nahruzka na składy i stancyi — popyt na pieravozki ŭzrastaje, a składy nie pracujuć. U vyniku čas čakańnia na stancyjach Kaladzičy i Šabany, jaki zvyčajna składaje 3—6 hadzin, moža značna pavialičvacca.

Łahisty rajać kampanijam arhanizoŭvać vyvaz zahadzia: braniravać mašyny napierad, asabliva ŭličvajučy zahružanaść pieravozčykaŭ, i płanavać padjezd transpartu minimum za 1—2 dni da pastaŭki.

Taksama dla paskareńnia pracesu rekamiendujecca vyvozić kantejniery paśla 22:00, kali čerhi na stancyi minimalnyja.

Kamientary da artykuła