U Viciebskaj vobłaści z-za mocnaha vietru biez elektryčnaści zastalisia 39 nasielenych punktaŭ. U paniadziełak u rehijonie prajšli mocnyja daždžy z paryvistym vietram da 20 m/s. U vyniku padzieńnia dreŭ na linii elektrapieradač adbylisia paškodžańni i adklučeńni, paviedamlaje «Viciebskenierha».
Asabliva mocna paciarpieli Połacki, Rasonski, Vierchniadźvinski i Ušacki rajony. Pa stanie na 16:00 u likvidacyi nastupstvaŭ niepahadzi byli zadziejničanyja 28 bryhad — bolš za 120 čałaviek i kala 30 adzinak techniki.
Enierhietyki pravodziać pieraklučeńni, prybirajuć drevy ź linij, zamianiajuć abarvanyja pravady i padklučajuć spažyŭcoŭ pa reziervovych schiemach. U vypadku nieabchodnaści hatovyja da vykarystańnia dyziel-hienieratary.
U «Viciebskenierha» zapeŭnili, što robicca ŭsio mahčymaje, kab jak maha chutčej adnavić elektrazabieśpiačeńnie.
Kamientary