Zialenski i Tramp źbirajucca abmierkavać pastaŭki amierykanskaj zbroi va Ukrainu
Telefonnaja razmova prezidentaŭ ZŠA i Ukrainy zapłanavana na 4 lipienia, piša Financial Times.
Uładzimir Zialenski 2 kastryčnika 2024 hoda. Fota: AP Photo / Efrem Lukatsky
Čakajecca, što Donald Tramp i Uładzimir Zialenski abmiarkujuć raptoŭnaje spynieńnie niekatorych klučavych pastavak amierykanskaj zbroi Kijevu. Pra heta žurnalisty daviedalisia ad ludziej, znajomych z zapłanavanaj dyskusijaj.
Pa ich słovach, Zialenski taksama padymie pytańnie ab mahčymych budučych ździełkach pa zakupcy amierykanskaj zbroi.
3 lipienia prezident Ukrainy prylacieŭ u Daniju, dzie prachodzić sustreča Jeŭrakamisii z uradam krainy z nahody pačatku paŭhadavoha staršynstva krainy ŭ Saviecie ES.
1 lipienia Bieły dom paćvierdziŭ, što Pientahon prypyniŭ pastaŭki niekatorych rakiet supraćpavietranaj abarony i inšych vysokadakładnych bojeprypasaŭ va Ukrainu, pakolki ŭ ZŠA bajacca źmianšeńnia zapasaŭ zbroi ŭ siabie.
Ukraina pry hetym zajaviła, što nie atrymlivała aficyjnych paviedamleńniaŭ pra prypynieńnie abo źmieny ŭ hrafikach pastavak abaronnaj dapamohi.