59 čałaviek paciarpieli ad rasijskaha ŭdaru pa Pałtavie
Jašče dva čałavieki zahinuli, paviedamiła pres-słužba ŭkrainskaj palicyi.
Fota: pres-słužba ŭkrainskaj palicyi
Ataka na horad adbyłasia ranicaj 3 lipienia. Kala 9 ranicy ŭ vyniku adnaho z udaraŭ uźnik pažar u budynku Pałtaŭskaha abjadnanaha haradskoha terytaryjalnaha centra kamplektavańnia.
U vyniku ataki paškodžanyja taksama pryvatnyja i šmatkvaternyja damy miascovych žycharoŭ, kramy i aŭtamabili. 59 čałaviek atrymali ranieńni, jašče dvoje zahinuli.