Pravierka «BajChełpa» vyjaviła ŭciečku danych
U červieni Narviežski Chielsinkski kamitet (NHC) prezientavaŭ partnioram vyniki rasśledavańnia ŭ adnosinach da fondu «BajChełp». Pa vynikach pravierki arhanizacyja, jakoj kiruje Alaksiej Lavončyk, vyjšła sa składu Mižnarodnaha humanitarnaha fondu dapamohi achviaram represij u Biełarusi (IHFRB).
Redakcyja Reform.news atrymała poŭny tekst rasśledavańnia NHC i apublikavała klučavyja momanty vynikaŭ pravierki. Pryvodzim ich ścisła.
Pieradumovaj dla rasśledavańnia stała aficyjnaja skarha ad nienazvanaha partniora, jakaja pastupiła ŭ studzieni 2025 hoda.
Suprać «BajChełpa» vysunuli try błoki abvinavačvańniaŭ:
1. Prablemy ź biaśpiekaj
Padazreńni źjavilisia paśla publikacyj u biełaruskich dziaržSMI infarmacyi pra ŭciečku baz «BajChełpa». Pra zdareńni fond nie apaviaściŭ partnioraŭ.
2. Patencyjnyja finansavyja parušeńni
Pa hetym punkcie praduhledžvalisia razychodžańni pamiž zajaŭlenymi «BajChełpam» finansavymi danymi i ŭnutranymi spravazdačami, a taksama mahčymaje dvajnoje finansavańnie.
3. Manapalizacyja humanitarnaha fondu
NHC zavioŭ spravu i pačaŭ rasśledavańnie. Jaho kamanda naviedała Varšavu i Vilniu dla sustreč z partniorami i analizu dakumientaŭ. Usie nastupnyja vypłaty na adras «BajChełp» byli prypynienyja da zaviaršeńnia rasśledavańnia.
Asnoŭnyja vysnovy
- «BajChełp» pryznaŭ fakt uciečki danych i adsutnaść pratakołaŭ pa abaronie piersanalnych źviestak.
- Analiz dakumientacyi fondu vyjaviŭ surjoznyja padazreńni ŭ parušeńniach.
- Unutranyja kantrolnyja sistemy «BajChełp» akazalisia słabymi, zakrytymi i pazbaŭlenymi sistemy ŭzajemnaha kantrolu pamiž kiraŭnictvam i finansavym dyrektaram.
- Donar fondu paviedamiŭ ab słaboj dakumientacyi, niesankcyjanavanych źmienach u metavych hrupach bienieficyjaraŭ i niedapuščalnych zatrymkach. Kantrakt z «BajChełpam» nie byŭ praciahnuty.
- Partniory fondu paćvierdzili pabojvańni adnosna dziejnaści «BajChełpa».
Z-za sukupnaści faktaraŭ NHC rekamiendavaŭ Radzie Mižnarodnaha humanitarnaha fondu dapamohi achviaram represij u Biełarusi spynić partniorstva z «BajChełpam».