Spakojnaja źmiaja vyklikała pierapałoch u vioscy ŭ Łahojskim rajonie
Hościa zalezła ŭ chleŭ, kab adpačyć, i adčuvała siabie tam jak doma.
Skrynšot videa MNS
Žycharka ahraharadka Akciabr uviečary zazirnuła ŭ chleŭ i aniamieła: pad strachoj jana zaŭvažyła vialikuju źmiaju, jakaja mirna adpačyvała na belcy i, zdajecca, nie źbirałasia nikudy sychodzić. Źmiaja vyklikała sapraŭdny pierapałoch u vioscy.
Paznaŭšy ŭ reptylii jadavituju hadziuku, žančyna vyklikała vyratavalnikaŭ. Supracoŭniki MNS zmahli złavić źmieju, pakłali jaje ŭ miašok i vyvieźli ŭ dzikuju pryrodu.
Źmiaja, kažuć, nie paciarpieła. Ale, sudziačy pa videa, chutčej heta była nie hadziuka, a vuž.
Čytajcie taksama:
U Lubani ŭ meblevuju kramu prypaŭzła źmiaja
Zdaraviennaja źmiajuka vypaŭzła pahrecca na nabiarežnaj u Breście