Спакойная змяя выклікала перапалох у вёсцы ў Лагойскім раёне
Госця залезла ў хлеў, каб адпачыць, і адчувала сябе там як дома.
Скрыншот відэа МНС
Жыхарка аграгарадка Акцябр увечары зазірнула ў хлеў і анямела: пад страхой яна заўважыла вялікую змяю, якая мірна адпачывала на бэльцы і, здаецца, не збіралася нікуды сыходзіць. Змяя выклікала сапраўдны перапалох у вёсцы.
Пазнаўшы ў рэптыліі ядавітую гадзюку, жанчына выклікала выратавальнікаў. Супрацоўнікі МНС змаглі злавіць змею, паклалі яе ў мяшок і вывезлі ў дзікую прыроду.
Змяя, кажуць, не пацярпела. Але, судзячы па відэа, хутчэй гэта была не гадзюка, а вуж.