Iłan Mask abviaściŭ ab stvareńni svajoj partyi
«Siońnia stvorana Amierykanskaja partyja, kab viarnuć vam svabodu», — źviarnuŭsia jon da svaich prychilnikaŭ.
Fota: Fota: AP Photo/Evan Vucci
Pra stvareńnie palityčnaj partyi «Amieryka» miljarder Iłan Mask abviaściŭ u tvitary.
«Kali sprava dachodzić da bankructva našaj krainy marnatraŭstvam i chabarnictvam, my žyviom u adnapartyjnaj sistemie, a nie ŭ demakratyi. Siońnia stvorana Amierykanskaja partyja, kab viarnuć vam svabodu», — napisaŭ Mask.
Napiaredadni miljarder zapuściŭ apytańnie ŭ tvitary, ci varta jamu stvaryć partyju. Prahałasavała 1,2 miljona karystalnikaŭ — 65% padtrymali ideju.
Raniej biznesoviec hraziŭsia stvaryć partyju, kali Kanhres prymie zakonaprajekt ab padatkovych ilhotach, jaki Donald Tramp nazyvaje «vialikim cudoŭnym zakonam». Tramp padpisaŭ hety zakon.