U Biełarusi nabirajuć papularnaść spłavy na prazrystych bajdarkach FOTAFAKT
Amatary spłaŭlacca pa rečkach ciapier mohuć nie tolki nazirać za pryhažościu pryrody pa bakach, ale i razhladać žyćcio vodnaha śvietu pad nahami — pradprymalniki pačali prapanoŭvać dla hetaha prazrystyja bajdarki.
Uziać takuju bajdarku ŭ arendu možna, u pryvatnaści, u vioscy Kamaryški, što ŭ Vilejskim rajonie. Uładalniki śćviardžajuć, što pieršymi stali prapanoŭvać pasłuhu na rynku.
Tak vyhladajuć sami bajdarki i toje, što vy budziecie bačyć pad nahami.
Arenda padobnaj bajdarki abydziecca stolki ž, kolki zvyčajnaj: 100 rubloŭ za adnu bajdarku na maršrut praciahłaściu ad hadziny da šaści.
«I strašna, i pryhoža», — kamientujuć ludzi.
Niekatoryja prapanavali praaphrejdzić bajdarku, umantavaŭšy pražektar, što dazvoliła b spłaŭlacca i nočču — «Budzie kruta!»