Z tureckaha zaaparku ŭciok leŭ i napaŭ na čałavieka
U tureckim horadzie Manaŭhat, jaki znachodzicca na mižziemnamorskim uźbiarežžy, leŭ uciok z zaaparka Land of Lions i napaŭ na čałavieka. Incydent adbyŭsia ŭnačy 6 lipienia 2025 hoda.
Fota: freepik.com
Leŭ pa imieni Zieŭs vyrvaŭsia z valjera i praź niekalki hadzin napaŭ na 53-hadovaha fiermiera Sulejmana Kira, jaki spaŭ na vulicy paśla zakančeńnia palivu fistaškavych dreŭ.
Mužčyna pačuŭ šorhat, padniaŭ koŭdru — i leŭ skoknuŭ na jaho. Kir raskazaŭ, što zmahaŭsia z drapiežnikam, navat schapiŭ jaho za šyju, paśla čaho toj krychu adbieh.
Palicyja, jakaja šukała źviera, pačuła šum i spałochała lva strełami ŭ pavietra. Paźniej žyviolinu znajšli z dapamohaj dronaŭ u lesie niedaloka ad miesca zdareńnia i zastrelili.
Sulejmana Kira dastavili ŭ špital z traŭmami hałavy, plača i noh. Ciapier pravodzicca rasśledavańnie, kab vyśvietlić, jak ilvu ŭdałosia ŭciačy.
U zaaparku Land of Lions žyvuć bolš za 30 lvoŭ, a taksama inšyja drapiežniki, u tym liku tyhry, miadźviedzi i vaŭki.
Čytajcie taksama:
Lvy zadrali dyrektara safary-parku ŭ Krymie
U Baranavickim rajonie žančynu, vierahodna, zahryźli žyvioły