Pad Połackam mužčyna niaŭdała skočyŭ cieraz kupalskaje vohnišča
Unačy 6 lipienia ŭ 01:06 u centr apieratyŭnaha kiravańnia Połackaha padraździaleńnia MNS pastupiła paviedamleńnie z centralnaj haradskoj balnicy: małady mužčyna byŭ špitalizavany z apiokami.
Fota ilustracyjnaje
Jak vyśvietliłasia, mužčyna 1996 hoda naradžeńnia ŭdzielničaŭ u śviatkavańni Kupalla ŭ vioscy Farynava Połackaha rajona. Padčas abradu jon pasprabavaŭ pieraskočyć cieraz vohnišča, ale spatyknuŭsia i ŭpaŭ u ahoń. Na im zaharełasia majka.
Ahoń prysutnym pry hetym udałosia chutka patušyć. Paśla hetaha paciarpieły sam źviarnuŭsia da miedykaŭ.
Paśla ahladu mužčynu špitalizavali z apiokami roznaj stupieni ciažkaści.