Adzinaj biełaruskaj parodzie koniej pahražaje źniknieńnie

Sioleta spaŭniajecca 25 hadoŭ z momantu aficyjnaha pryznańnia biełaruskaj zapražnoj parody koniej (choć vyviedziena jana jašče ŭ kancy XIX stahodździa). Adnak pierad adzinaj nacyjanalnaj parodaj (žyvioły siaredniaha rostu, vynoślivyja, niepatrabavalnyja) staić šerah vyklikaŭ, paviedamlaje telehram-kanał «De facto. Biełaruskaja navuka».

Jak piša hazieta «Navuka», najaŭnaje zakanadaŭstva nie dazvalaje pryvatnym uładalnikam atrymlivać plemianny maładniak — dla hetaha treba atrymać status jurasoby, prajści atestacyju i h.d.

Hałoŭny zaatechnik-sielekcyjanier Biełplemžyŭabjadnańnia Tamara Drakina paviedamiła:

«Dziejnych matak [va ŭsioj krainie] siońnia — kala 200, žarabcoŭ — nie bolš za 26-27. Treba niejak vypraŭlać situacyju».

Viadučy navukovy supracoŭnik NPC pa žyviołahadoŭli Hanna Rudak zajaviła pra nieabchodnaść raspracoŭki dziaržprahram i važnaści zachavańnia hienietyčnaj raznastajnaści: z-za taho, što niekatoryja haspadarki admaŭlajucca ad plemiannoj koniehadoŭli (zastałosia ŭsiaho 7 subjektaŭ, što vielmi mała), hublajucca ŭnikalnyja hieny.

Kamientary da artykuła