Kolki biełarusaŭ žyvie ŭ Krymie
Statystyku ahučyŭ kiraŭnik rehijanalnaj nacyjanalna-kulturnaj aŭtanomii «Biełarusy Kryma», namieśnik staršyni Hramadskaj pałaty Respubliki Krym Raman Čarhiniec, pieradaje TASS.
Fota: Getty Images
Pavodle słoŭ čynoŭnika, za apošnija 11 hadoŭ na pastajannaje miesca žycharstva zastałosia kala 11 tysiač čałaviek. U 2014 hodzie Ukraina praviała pierapis nasielnictva Kryma, pavodle jakoha biełarusami nazvali siabie 40 tysiač čałaviek. Krychu paźniej daśledavańnie praviała Rasija, i tam užo była inšaja kolkaść — 25 tysiač.
Kiraŭnik supolnaści źviazvaje heta, u tym liku, z tym, što mnohija na chvali patryjatyzmu zapisali siabie ruskimi.
Na 2025 hod na paŭvostravie pražyvajuć minimum 40—45 tys. biełarusaŭ — jak tych, što atrymali rasijskaje hramadzianstva, tak i tych, što nie atrymali.
«Biełaruskaja supolnaść Kryma — čaćviortaja pa vieličyni siarod narodaŭ, što pražyvajuć u Krymie, paśla ruskaha, ukrainskaha i krymska-tatarskaha etnasaŭ», — raspavioŭ Čarhiniec.
Jon dadaŭ, što na paŭvostravie biełaruskaja supolnaść była histaryčna jašče z carskich časoŭ, jana skłałasia za niekalki chval pierasialeńnia.