Tramp pryhraziŭ sankcyjami krainam, jakija padtrymlivajuć BRIKS
Dadatkovy taryf składzie 10%, paviedamiŭ amierykanski prezident u svajoj sacsietcy Truth.
Donald Tramp, Joe Raedle / Getty Images
«Lubaja kraina, jakaja padtrymlivaje antyamierykanskuju palityku BRIKS, padvierhniecca dadatkovym 10-pracentnym taryfach. Vyklučeńniaŭ nie budzie», — napisaŭ Tramp.
U kancy studzienia palityk pahražaŭ uvieści 100-pracentnyja pošliny suprać krain BRIKS, kali jany pasprabujuć stvaryć alternatyvu dalaru.
U BRIKS uvachodziać nastupnyja krainy: Brazilija, Rasija, Indyja, KNR, PAR, AAE, Iran, Jehipiet, Efiopija i Indaniezija. Arhanizacyja była stvorana ŭ 2009 hodzie na sustrečy ŭ Pieciarburhu Brazilijaj, Rasijaj, Indyjaj, Kitajem i Paŭdniova-afrykanskaj Respublikaj.
Ałžyr, Balivija, Biełaruś, Vjetnam, Indaniezija, Kazachstan, Kuba, Małajzija, Nihieryja, Tajłand, Turcyja, Uhanda, Uźbiekistan atrymali status «krain — partnioraŭ BRIKS».