Ułady ZŠA pryznali, što «śpisu klijentaŭ» Džefry Epštejna nie isnuje
Ministerstva justycyi i FBR administracyiTrampa pryjšli da vysnovy, što ŭ ich niama dokazaŭ taho, što asudžany seksualny złačynca i dyskredytavany finansist Džefry Epštejn šantažavaŭ upłyvovych asobaŭ i vioŭ «śpis klijentaŭ» abo byŭ zabity, piša Axios.
Fota: New York State Sex Offender Registry via AP, File
Było apublikavanaje videa, jakoje pakazvaje, što nichto nie ŭvachodziŭ u zonu manchetenskaj turmy, dzie znachodziŭsia Epštejn u noč jaho śmierci ŭ 2019 hodzie.
Videa padtrymlivaje zaklučeńnie sudova-miedycynskaha ekśpierta, što Epštejn pamior u vyniku samahubstva.
Heta pieršy vypadak, kali administracyja Trampa aficyjna supiarečyć teoryjam zmovy pra dziejnaść Epštejna i jaho śmierć — teoryjam, jakija raniej padtrymlivali dva hałoŭnyja čynoŭniki FBR, da taho jak Tramp pryznačyŭ ich u biuro.
Takim čynam administracyja prezidenta ZŠA Donalda Trampa ŭpieršyniu aficyjna abvierhła teoryi zmovy vakoł spravy Epštejna i jaho śmierci.
Jak influensiery ŭ sacsietkach i aktyvisty pratrampaŭskaha ruchu MAGA, Kaš Pateł (ciapier dyrektar FBR) i Den Banhina (ciapier namieśnik dyrektara) byli siarod tych u ruchu MAGA, chto staviŭ pad sumnieŭ aficyjnuju viersiju hibieli Epštejna.
Finansista Džefry Epštejna abvinavačvali ŭ handli ludźmi z metaj ich seksualizavanaj ekspłuatacyi. Pavodle viersii śledstva, biznesmien atrymlivaŭ seksualnyja pasłuhi ad niepaŭnaletnich dziaŭčat i «pazyčaŭ» ich upłyvovym ludziam.
Epštejnu pahražała da 45 hadoŭ źniavoleńnia. Miljarder nie pryznavaŭ vinu. Finansista zatrymali 7 lipienia 2019 hoda. Praź miesiac, 10 žniŭnia, biznesmien ździejśniŭ samahubstva ŭ turemnaj kamiery ŭ Ńju-Jorku.