U rasijskim Mintransie adnačasova ź ministram-samahubcam pamior jašče adzin vysoki čynoŭnik

Jak paviedamlajuć rasijskija ŚMI, va ŭzroście 42 hadoŭ pamior namieśnik kiraŭnika adździeła kiravańnia majomaściu Upraŭleńnia ziamielna-majomasnych adnosin i pravavoj dziejnaści Fiederalnaha ahienctva čyhunačnaha transpartu Ministerstva transpartu Andrej Karniajčuk. Heta nibyta zdaryłasia prosta na pracoŭnym miescy ŭ Mintransie ŭ budynku na Staroj Basmannaj u Maskvie.

Fota ilustracyjnaje

«Jon rezka ŭstaŭ padčas narady i ŭpaŭ jak niežyvy, miedyki dapamahčy jamu ŭžo nie zmahli», — paviedamiŭ surazmoŭca telekanała «RienTV».

Papiaredniaja pryčyna śmierci — spynieńnie serca.

Niezvyčajnaść hetaj śmierci — u tym, što jana zdaryłasia na fonie navin pra adstaŭku kiraŭnika Mintransa Ramana Staravojta, jaki skončyŭ žyćcio samahubstvam ci to nieŭzabavie paśla atrymańnia naviny pra jaje, ci to jašče pierad hetym.

Kamientary da artykuła