Vyjšaŭ na volu były staršynia jaŭrejskaj abščyny ŭ Hrodnie
Były staršynia jaŭrejskaj abščyny i dyrektar TAA «Hrodzienskaje ahienctva nieruchomaści» Raman Śmirnoŭ vyjšaŭ na volu. Vierahodna, jon byŭ siarod apošnich vyzvalenych pa pamiłavańni, piša Hrodna.life.
Fota: Linkedin
Mužčynu zatrymali ŭ krasaviku 2024 hoda za kamientary ŭ Telegram-kanałach i adpraŭku infarmacyi ŭ čat-boty «Biełarusi hałaŭnoha mozhu» i Nexta.
Jaho pačali sudzić u žniŭni 2024 hoda. Mužčynu asudzili na 2 hady kałonii pavodle č. 1 art. 368 Kryminalnaha kodeksa — «Publičnaja abraza Łukašenki». Spravu razhladaŭ sudździa Stanisłaŭ Prońka ŭ sudzie Hrodzienskaha rajona.
U honar Dnia niezaležnaści Łukašenka pamiłavaŭ 16 čałaviek. Siarod ich jość ludzi, što ździejśnili «złačynstvy ekstremisckaj nakiravanaści».
U śpis pamiłavanych trapiła 65-hadovaja Natalla Antonava, jakuju spačatku adpravili na «chatniuju chimiju» za ŭdzieł u pratestach. Paźniej Natallu sudzili za «paklop na Łukašenku», «raspalvańnie varožaści» i adpravili ŭ Homielskuju kałoniju, daviedaŭsia Belarus Women's Foundation.