Dziaržava pradała dom 73-hadovaha palitźniavolenaha Vasila Dziemidoviča
Na placoŭcy «BiełJurZabieśpiačeńnie» z čaćviortaj sproby byŭ pradadzieny dom u vioscy Paharelcy Niaśvižskaha rajona. Pa dakumientach, ułaśnikam byŭ paznačany poŭny ciozka palitviaźnia — Vasila Dziemidoviča, piensijaniera ź Niaśviža, jaki byŭ uniesieny KDB u śpis «terarystaŭ», piša «Lusterka».
Vystaŭleny na tarhi dom u vioscy Paharelcy Niaśvižskaha rajona. Fota: e-auction.by
Spačatku dom sprabavali pradać za 15 700 rubloŭ, ale achvotnych nie znajšłosia. Pačatkovaja cana była źnižana da 6 280 rubloŭ, i tolki paśla čaćviortaha aŭkcyjonu źjavilisia dva ŭdzielniki, jakija pačali pierabivać staŭki adzin adnaho.
U vyniku majomaść była pradadzienaja za 10 393 rubli. Tarhi praciahvalisia ź dzieviaci hadzin ranicy da amal adzinaccaci viečara.
Na dom była nakładziena zabarona na rehistracyjnyja dziejańni, vystaŭlenaja sudovym vykanaŭcam i rehistrujučym orhanam. Heta, adnak, nie pieraškodziła praviadzieńniu tarhoŭ.
Vasila Dziemidoviča sudzili jak minimum 9 razoŭ pavodle palityčnych kryminalnych spraŭ, piša «Viasna». Ahułam piensijaniera asudzili da 7 hadoŭ pazbaŭleńnia voli, pry hetym vynik apošnich čatyroch sudoŭ pakul nieviadomy. U źniavoleńni Vasila Ivanaviča ŭtrymlivajuć amal try hady.
Piensijanier źjaŭlajecca samym pažyłym biełarusam, uklučanym KDB u śpis «terarystaŭ».