U nacyjanalnym parku Katałonii bušuje mocny pažar
U Katałonii bušuje maštabny lasny pažar — ahoń za apošnija sutki achapiŭ bolš za 20 000 akraŭ terytoryi. Najbolš paciarpieŭ rajon pamiž vioskami Pals i Alfara-de-Karles u pravincyi Tarahona, piša Euronews.
Ułady zahadali žycharam šaści nasielenych punktaŭ nie vychodzić z damoŭ, bo mocny viecier moža sadziejničać dalejšamu raspaŭsiudžańniu ahniu.
Pažar pačaŭsia ŭ nacyjanalnym parku Katałonii na fonie nadzvyčajnaj śpioki, jakaja achapiła Jeŭropu. Urad Katałonii źviarnuŭsia pa dapamohu da vajskovych padraździaleńniaŭ chutkaha reahavańnia (UME).
Paśla fiksacyi ŭ Ispanii rekordna vysokaj tempieratury dla červienia Jeŭrapiejski centr siarednieterminovych prahnozaŭ zajaviŭ, što ŭvažliva sočyć za anamalna vysokimi tempieraturami. Sinoptyki źviazvajuć hetuju chvalu śpioki z klimatyčnymi źmienami.
Čytajcie taksama:
Jeŭropa znoŭ bje tempieraturnyja rekordy. U Ispanii — +46°C
Sinoptyki abviaścili aranžavy ŭzrovień niebiaśpieki na sieradu