Bałharyja piarojdzie na jeŭra z 1 studzienia 2026 hoda
Rada Jeŭrasajuza 8 lipienia pryniała try apošnija zakanadaŭčyja akty, nieabchodnyja dla ŭviadzieńnia ŭ Bałharyi jeŭra z 1 studzienia 2026 hoda. Pra heta paviedamlaje pres-słužba Rady ES.
Bałharski nacyjanalny bok maniet jeŭra. Fota: Nacyjanalny bank Bałharyi
«Ad siońnia Bałharyja stanovicca 21-m siabram jeŭrazony. Heta stała kulminacyjaj starannaha pracesu padrychtoŭki Bałharyi da ŭstupleńnia, jaki ŭklučaŭ pilny analiz i intensiŭnuju padrychtoŭku», — skazała ministarka ekanomiki Danii Stefani Łose.
Adzin z troch zakanadaŭčych aktaŭ vyznačaje abmienny kurs pamiž jeŭra i bałharskim levam na ŭzroŭni 1,95583 leva za 1 jeŭra. Heta adpaviadaje biahučamu centralnamu kursu leva ŭ miechaniźmie abmiennaha kursu (ERM II).
Jeŭrapiejskaja kamisija i Jeŭrapiejski centralny bank 4 červienia kančatkova ŭchvalili ŭstupleńnie Bałharyi ŭ jeŭrazonu z 1 studzienia 2026 hoda, što zrobić jaje dvaccać pieršym siabram hetaha valutnaha sajuza. Paśla hetaha Jeŭrahrupa, abjadnańnie ministraŭ finansaŭ krain jeŭrazony, padtrymała rekamiendacyju Radzie Jeŭrapiejskaha Sajuza ab uviadzieńni jeŭra ŭ Bałharyi.
Čytajcie taksama:
Jak buduć vyhladać bałharskija jeŭra?
«Vielmi padobna na Biełaruś». Jak žyvuć rełakanty ŭ Bałharyi
Jeŭrakamisija ŭchvaliła ŭviadzieńnie jeŭra ŭ Bałharyi z 2026 hoda