U Tatarstanie pastavili biust Janki Kupały
U siale Piečyščy ŭ Tatarstanie, dzie Janka Kupała žyŭ padčas evakuacyi ŭ Druhuju suśvietnuju vajnu, uračysta adkryli jahony biust. Mierapryjemstva prymierkavali da niekalkich dat: dnia naradžeńnia paeta, stahodździa prysvajeńnia jamu zvańnia narodnaha paeta Biełarusi i 50-hodździa adzinaha ŭ Rasii muzieja, pryśviečanaha Janku Kupału, piša «Radyjo Svaboda».
Kiraŭnik adździaleńnia pasolstva Biełarusi ŭ Kazani Viktar Ščaćko kala biusta Janki Kupały ŭ muziei ŭ Piečyščach
Biust pastavili ŭ budynku samoha muzieja. Jahony aŭtar — małady rasijski skulptar Cimafiej Ciuryn, uradženiec hetaha samaha rajona. Jon taksama viadomy tym, što letaś stvaryŭ pamiatny miedal u honar Janki Kupały.
Prajekt padtrymali biełaruskaja ambasada ŭ Kazani, a taksama biełaruskija kampanii — «TPK MTZ-Tatarstan» i «MAZ-RUS».
Padčas adkryćcia biusta hości zmahli pahladzieć muzyčna-litaraturnuju prahramu na biełaruskaj, ruskaj i tatarskaj movach.
Čytajcie taksama:
«Samaje pryhožaje śviata leta». Turysty raskazali, jak źjeździli na Kupalle ŭ Sułu
U Radaškovičach adnavili dva nadmahilli zabytaha paeta-paŭstanca