«Samaje pryhožaje śviata leta». Turysty raskazali, jak źjeździli na Kupalle ŭ Sułu
Udzielniki kłuba amataraŭ aktyŭnaha adpačynku i sportu «Bajdaračniki Połaččyny» vyrašyli padtrymać tradycyju i źjeździli na śviata ŭ park siaredniaviečnaj historyi «Vialikaje kniastva Suła», raźmieščany pad Stoŭbcami. Niezabyŭnymi ŭražańniami pałačanie padzialilisia ź miascovym partałam Gorod214.by.
Śviata ŭraziła pałačan svaim maštabam. Za sutki «Vialikaje kniastva Suła» naviedali bolš za 7000 čałaviek. Arhanizatary ŭmieła adnavili atmaśfieru minułaha i pastaralisia, kab samaje pryhožaje śviata leta stała niezabyŭnaj padziejaj dla ŭsich haściej.
U parku, jak raskazali pałačanie, było stvorana mnostva tematyčnych łakacyj. Naviedvalniki zahadzia padrychtavalisia da śviata: bolšaja častka dziaŭčat pryjechali ŭ biełych strojach i ź viankami, a chłopcy — u kašulach z nacyjanalnymi elemientami. Usie ŭdzielniki mierapryjemstva mieli mahčymaść spleści vianok na miescy.
Prahrama śviatkavańnia była pabudavanaja na lehiendach, abradach i tradycyjach, jakija pieradajucca z pakaleńnia ŭ pakaleńnie. Było šmat hulniaŭ, tancaŭ, karahodaŭ. Asabliva vidoviščnym momantam stała šeście z pachodniami, dzie ŭsie prysutnyja, źlivajučysia ŭ adzinaje cełaje, razam išli zapalvać vohnišča.
Zapomniłasia i spuskańnie viankoŭ na vadu pad akapielnyja žyvyja śpievy artystaŭ. Na zakančeńnie śviata ŭsie achvotnyja skakali praz vohnišča i šukali paparać-kvietku.
Na dumku ŭdzielnikaŭ mierapryjemstva, park siaredniaviečnaj historyi «Vialikaje kniastva Suła» źjaŭlajecca najlepšym miescam, jakoje pieradaje histaryčnuju atmaśfieru i zahłyblaje naviedvalnikaŭ u dalokaje minułaje. A fatahrafii z Kupalla buduć doŭha nahadvać pra atrymanyja emocyi i ŭražańni.
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary
))