Pryznali «ekstremisckaj» staronku polskaha prafiesijnaha fatohrafa

U Biełarusi pryznali «ekstremisckaj» staronku polskaha prafiesijnaha fatohrafa Michała Kościa, jaki zdymaje biełaruskija akcyi i mihracyjny kryzis na miažy. Havorka pra instahram-staronku michalkosc, jakaja maje bolš za 600 padpisčykaŭ, piša «Viasna».

Jak paznačana ŭ apisańni, Michał Kość — člen Asacyjacyi polskich mastackich fatohrafaŭ, fatohraf Polskaha ahienctva fatohrafaŭ FORUM. Na jaho staroncy, siarod inšaha, fotazdymki ź biełaruskich akcyj salidarnaści ŭ Polščy, a taksama pra mihracyjny kryzis na miažy Biełarusi i Polščy. Rašeńnie ab pryznańni staronki «ekstremisckaj» pryniaŭ sud Puchavickaha rajona 8 lipienia.

Taksama «ekstremiscki śpis» papoŭnili:

• instahram-staronki sherry15_, v_itali_ty» denis.vetoshkin, shine_safronova;
• staronka ŭ «Adnakłaśnikach» «Ivanovo»;
• staronki ŭ tyktoku «Aleksiej Romanov», «Hołos Vakandy».

Kamientary da artykuła