ZŠA adnavili pastaŭki rakiet i snaradaŭ dla Ukrainy
Pientahon tydzień tamu spyniaŭ pastaŭki.
Fota Czarek Sokołowski / AP
Administracyja Donalda Trampa adnaviła adpraŭku častki ŭzbrajeńnia va Ukrainu praz tydzień paśla taho, jak Pientahon spyniŭ niekatoryja pastaŭki. Pra heta paviedamlajuć Reuters i AP sa spasyłkaj na krynicy.
Adnaŭlenyja pastaŭki ŭklučajuć 155-mm bojeprypasy i rakiety GMLRS, pišuć ahienctvy. U jakoj kolkaści i kali jany prybuduć va Ukrainu, nie ŭdakładniajecca.
Akramia taho, Tramp paćvierdziŭ infarmacyju, što źjaviłasia ŭ ŚMI, ab tym, što jaho administracyja razhladaje mahčymaść pieradačy Ukrainie dadatkovaha kompleksu SPA Patriot.
«Jany [ukraincy] chacieli b jaho […] ja viedaju, što jany padali zapyt. Nam treba budzie pahladzieć na hetaje pytańnie. Vielmi darahi, vielmi darahi kompleks», — skazaŭ Tramp.