U Litvu z terytoryi Biełarusi zalacieŭ niejki aparat. Spačatku padumali — šachied
Pavodle pieršapačatkovaj infarmacyi BNS, u čaćvier u Litvu z terytoryi Biełarusi zalacieŭ dron-šachied.
Fota: Armija Litvy
U suviazi ź incydentam staršynia Siejma Saŭlus Skviarnialis byŭ adviedzieny ŭ schovišča.
Adnak pamiežniki ŭdakładnili, što heta było niešta «padobnaje da samarobnaha samalocika, latalnaha srodku», paviedamiła LRT.
Kala 11:30 pamiežniki zastavy Kiana ŭ Vilenskim rajonie zafiksavali, pavodle papiarednich danych, latalny abjekt, jaki zalacieŭ z terytoryi Biełarusi i ŭpaŭ na ziamlu. Abjekt byŭ padobny da samarobnaha samalocika.
Samalocik upaŭ niedaloka ad zakrytaha kantrolna-prapusknoha punkta Šumsk, prykładna za kiłamietr ad miažy ź Biełaruśsiu.
Pavodle papiaredniaj infarmacyi, jon zrobleny z faniery i pienapłastu.
Niama danych, što hety latalny abjekt pieravoziŭ niejki hruz. Abjekt nie ŭjaŭlaje niebiaśpieki. Apošnim časam VSAT niaredka fiksuje vypadki, kali z terytoryi Biełarusi ŭ Litvu sprabujuć pieravozić kantrabandnyja cyharety z dapamohaj dronaŭ, pavietranych šaroŭ, a taksama samarobnych latalnych srodkaŭ.