Maskoŭskaje «Tarpieda», jakoje treniruje biełaruski śpiecyjalist, vyklučyli z Rasijskaj premjer-lihi
Maskoŭskaje futbolnaje «Tarpieda» vyklučyli z Rasijskaj premjer-lihi. Pra heta paviedamiła «Čempijanatu» krynica, znajomaja z chodam pasiadžeńnia Kantrolna-dyscyplinarnaj kamisii Rasijskaha futbolnaha sajuza.
Takoje rašeńnie było pryniata z-za karupcyjnaha skandału, u epicentry jakoha akazaŭsia maskoŭski kłub. Prezident «Tarpieda» Leanid Sobaleŭ akazaŭsia ŭ SIZA — jaho abvinavačvajuć u podkupie arbitra. Padazravany sudździa taksama ŭziaty pad vartu.
Pavodle viersii śledstva, sudździa Bahdan Hałaŭko śviadoma ździejśniŭ pamyłku na karyść maskoŭskaha «Tarpieda» padčas matča suprać «KamAZa» (Nabiarežnyja Čałny) 24 maja. Heta była hulnia apošniaha, 34-ha tura Pieršaj lihi. Jana mieła vyrašalnaje značeńnie dla vyznačeńnia kamand, jakija vyjduć u vyšejšy dyvizijon čempijanatu — Rasijskuju premjer-lihu.
Nahadajem, čorna-biełyja zaniali druhoje miesca ŭ pieršaj lizie siezona-2024/2025 i naŭprost vyjšli ŭ RPŁ. Kłub treniruje biełaruska-rasijski śpiecyjalist Aleh Konanaŭ, jaho asistentam źjaŭlajecca biełarus Pavieł Kirylčyk.. U «Tarpiedzie» hulaje biełarus Hleb Šaŭčenka.
Novy siezon Rasijskaj Premjer-Lihi startuje 18 lipienia 2025 hoda i zavieršycca 17 maja 2026-ha.
Čytajcie taksama:
Arbitra zatrymali za niepryznačany vyrašalny pienalci — skandał u rasijskim futbole