«Sa studzienia Rasija straciła 100 tysiač sałdat. Zabitymi. Nie ŭsiaho, a zabitymi»
Dziaržsakratar ZŠA Marka Rubia na pres-kanfierencyi paśla sustrečy ź ministram zamiežnych spraŭ Rasii Siarhiejem Łaŭrovym na forumie ASIEAN u małajzijskim Kuała-Łumpury nazvaŭ kałasalnuju ličbu rasijskich strat, nibyta paniesienych tolki za apošnija paŭhoda.
Marka Rubia. Fota: Mandel Ngan/Pool Photo via AP
«Sa studzienia Rasija straciła 100 tysiač sałdat. Zabitymi. Nie ŭsiaho, a zabitymi. Va ŭkrainskaha boku straty mienšyja, ale taksama vielmi značnyja», — zajaviŭ Marka Rubia.
Jon zajaviŭ taksama, što prezident ZŠA Donald Tramp nie lubić vajny i ličyć, što heta tolki pustoje marnavańnie hrošaj i čałaviečych žyćciaŭ.
«Jon zrobić usio, što ŭ jahonych siłach, kab pakłaści kaniec hetaj vajnie i luboj inšaj, kali ŭ jaho źjavicca takaja mahčymaść. Jak vy ŭžo bačyli raniej, jon budzie praciahvać pracavać u hetym kirunku. My razumiejem, što takija rečy patrabujuć času i ciarpieńnia. Ale, viadoma, my taksama adčuvajem rasčaravańnie z-za niedastatkovaha prahresu.
Spadziajemsia, što siońniašnija padziei i najbližejšyja dni prajaśniać, jakaja dakładnaja pazicyja i pryjarytety Rasii ŭ hetym pytańni, i my zmožam pačać ruchacca napierad», — adznačyŭ Marka Rubia.
Čytajcie taksama:
Marka Rubia vykazaŭ rasčaravańnie paśla sustrečy z Łaŭrovym