U Polščy adbyłosia DTZ z aŭtobusam, poŭnym biełarusaŭ
U polskim horadzie Žešaŭ adbyŭsia darožny incydent z udziełam aŭtobusa i lehkavika Kia. Aŭtobus, jakim kiravaŭ 54-hadovy hramadzianin Małdovy, pieravoziŭ 60 pasažyraŭ ź Biełarusi. Jon nie daŭ pieravahi ŭ ruchu kiroŭcu Kia, i ŭ vyniku adbyłosia sutyknieńnie.
Fota: nowiny24.pl
Paśla sutyknieńnia aŭtobus straciŭ kiravanaść, prajechaŭ praz darožnaje kalco, prabiŭ hukaizalacyjnyja ekrany i vylecieŭ za darohu. Situacyja była vielmi niebiaśpiečnaj, ale, na ščaście, nichto nie paciarpieŭ.
Palicyja prybyła na miesca zdareńnia, praviała rasśledavańnie i vypisała kiroŭcu aŭtobusa štraf za stvareńnie pahrozy biaśpiecy darožnaha ruchu.