Za tydzień troje mužčyn u Homieli pamierli, papiarchnuŭšysia ježaj
U dvuch vypadkach mužčyny padavilisia kavałkam miasa, u adnym — sałam.
U momant hibieli jany znachodzilisia ŭ roznaj stupieni ałkaholnaha apjanieńnia, što, biezumoŭna, źjaŭlałasia asnoŭnaj pryčynaj niaščasnaha vypadku, paviedamlaje Dziaržkamitet sudovych ekśpiertyz.
Traplańnie starońniaha cieła ŭ vierchnija adździeły dychalnych šlachoŭ viadzie da reflektornaha ich spazmu, a taksama raźvićcia tak zvanaj inśpiratornaj dychavicy. Sproby arhanizma hłyboka ŭdychnuć jašče bolš ščylna zakryvajuć dychalnyja šlachi. Heta nadzvyčaj uskładniaje mahčymaść vydaleńnia starońniaha cieła. Śmierć nastupaje ciaham niekalkich chvilin.