Zakładčyca ź dziaviataha kłasa: u Oršy zatrymali 16-hadovuju dziaŭčynu za narkotyki
Joj pahražaje da 15 hadoŭ źniavoleńnia.
U Oršy supracoŭniki narkokantrolu zatrymali 16-hadovuju školnicu, jakuju padazrajuć u raspaŭsiudzie asabliva niebiaśpiečnych psichatropaŭ.
U padjeździe šmatpaviarchovika pravaachoŭniki zaŭvažyli hrupu padletkaŭ u stanie apjanieńnia. Padčas pravierki vyśvietliłasia, što adna ź dziaŭčat pracavała zakładčycaj u internet-kramie pa prodažy narkotykaŭ.
U jaje znajšli i kanfiskavali amal 200 hramaŭ asabliva niebiaśpiečnych rečyvaŭ — Alfa-PVP i miefiedron, padrychtavanych da raspaŭsiudžvańnia ŭ rehijonie.
Suprać niepaŭnaletniaj raspačata kryminalnaja sprava pa artykule ab niezakonnym abarocie narkotykaŭ z metaj zbytu. Za heta joj pahražaje da 15 hadoŭ pazbaŭleńnia voli.