Kilerami pałkoŭnika SBU Varoniča akazalisia zamiežniki
Ich hramadzianstva pakul nie nazyvajecca.
Skrynšot videapaviedamleńnia kiraŭnika SBU Vasila Maluka, jaki zapisaŭ videa pra heta na fonie ciełaŭ, jak jon skazaŭ, ahientaŭ FSB
Zabityja mierkavanyja kilery pałkoŭnika SBU Ivana Varoniča — mužčyna i žančyna — akazalisia zamiežnikami, paviedamiła Nacyjanalnaja palicyja Ukrainy.
«Dziakujučy sumiesnaj rabocie apieratyŭnikaŭ milicyi Kijeva i SBU, śledčych, analitykaŭ kryminalnaha analizu, byli vyznačany asoby, datyčnyja da ździajśnieńnia złačynstva — imi akazalisia mužčyna i žančyna, hramadzianie inšaj krainy», — havorycca ŭ paviedamleńni Nacpalicyi.
Inšych padrabiaznaściaŭ pra ich asob nie pryvodzicca.
Siońnia SBU paviedamiła, što zabiła kileraŭ, jakija zastrelili pałkoŭnika Słužby biaśpieki ŭ Kijevie. Kiraŭnik SBU Vasil Maluk zapisaŭ videa pra heta na fonie ciełaŭ, jak jon kaža, ahientaŭ FSB.
50-hadovaha pałkoŭnika SBU nieviadomy rasstralaŭ u centry Kijeva ź pistaleta z hłušycielem 10 lipienia. U rajonie 9:00 nieviadomy padbieh da 50-hadovaha Ivana Varoniča na vulicy i piać razoŭ streliŭ ź pistaleta z hłušycielem. Paśla čaho ŭciok. Pałkoŭnik atrymaŭ ciažkija ranieńni i pamior na miescy.
Vydańnie The New York Times, spasyłajučysia na byłoha kalehu zahinułaha piša, što Ivan Varonič paśla ŭstupleńnia ŭ SBU ŭ siaredzinie 1990-ch hadoŭ kamandavaŭ padraździaleńniem śpiecyjalnych apieracyj. Jon kiravaŭ hrupaj, jakaja likvidavała «Matarołu».