Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza

Ale dla taho, kab za ŭłasnyja hrošy pravieści śviata, žančynie pryjšłosia dva hady zmahacca ź biełaruskaj biurakratyjaj.

Śviata vioski. Sprava Lilija Klimava, jakaja dapamahała jaho arhanizavać. Skrynšoty z tyktoku «Hłuskich navin»

Biznesvumen Śviatłana Ziere raspaviała ŭ svaim instahramie pra kranalnaje śviata ŭ vioscy Karnica Hłuskaha rajona. Arhanizavała mierapryjemstva dla adnaviaskoŭcaŭ jaje ciotka Lilija Klimava.

— Niahledziačy na toje, što na rajonie nie nadta šmat varušniaku, ciotka vyrašyła zrabić śviata ŭ rodnaj vioscy, całkam za svoj košt! Całkam apłaciła i supravadžeńnie milicyi, i doktara, i hastrolnaje. Skinulisia siostrami, kab sabrać usich žycharoŭ i svajakoŭ pamirajučaj vioski i ažyvić jaje. Brava!

Śviatłana dadała, što na śviacie bačyła mašyny z numarami roznych kutkoŭ Biełarusi — i navat ź Jeŭrasajuza.

Atrymałasia ŭsio sapraŭdy dušeŭna. Aśviatlała padzieju rajonka. Na videa ŭ tyktoku «Hłuskich navin» bačna, jak ludzi rady sustrečy pakaleńniaŭ: dzieci tančać, samyja ŭzrostavyja žychary hladziać kancert. Śpiavali navat pieśniu, pryśviečanuju mienavita hetaj vioscy.

A ščaślivych abdymkaŭ była niejmaviernaja kolkaść.

@radzima2 Vstrieča ziemlakov v dierievnie Karnica Hłusskoho rajona. #Karnica #miestnyje_iniciativy #hłusskijenovosti #biełorusskijtiktok #MajaBiełaruś ♬ orihinalnyj zvuk - Hłusskije novosti

Ale ž, jak vyśvietliłasia, za toje, kab zrabić śviata, žančynie pryjšłosia zmahacca ažno dva hady.

— Škada, što takija inicyjatyvy — vyklučna asabistaja historyja, — biedavała ŭ storys Ziere. — Ciotka dva hady sprabavała zrabić hetaje śviata mahčymym, atrymlivała admovy, ale nie zdałasia. Na takich ludziach śviet trymajecca!

Kamientary da artykuła