Izrailskaja rakieta trapiła ŭ Hazie ŭ hrupu dziaciej
Izrailskaja armija (CACHAŁ) pryznała, što ich rakieta vypadkova trapiła ŭ hrupu dziaciej kala vodaraźmierkavalnaha punkta ŭ siektary Hazy. U vyniku avijaŭdaru zahinuli prynamsi vosiem paleścincaŭ, ź jakich šaściora — dzieci. Jašče 17 čałaviek atrymali ranieńni, piša Reuters.
Zdymak ilustracyjny. Fota: AP Photo/Abdel Kareem Hana
Pavodle słoŭ izrailskich vajskoŭcaŭ, rakieta pavinna była parazić bajevika hrupoŭki «Isłamski džychad», ale z-za techničnaj niaspraŭnaści adchiliłasia ad celi i trapiła ŭ inšaje miesca. CACHAŁ vykazaŭ škadavańnie, što z-za hetaj pamyłki paciarpieli mirnyja žychary.
Incydent adbyŭsia ŭ łahiery biežancaŭ Nusejrat u centry siektara Haza, dzie rakieta trapiła ŭ punkt padačy vady.
Tym časam pieramovy pra 60-dzionnaje pieramirje, jakija prachodziać u Katary pry ŭdziele ZŠA, zajšli ŭ tupik. Prablemnaje pytańnie — prysutnaść izrailskich vojskaŭ u Hazie.
Premjer Izraila Bińjamin Nietańjachu zajaviŭ, što Izrail nie admovicca ad svaich hałoŭnych patrabavańniaŭ: vyzvaleńnia ŭsich zakładnikaŭ, źniščeńnia CHAMAS i harantyj biaśpieki dla Izraila z boku Hazy.
Čytajcie taksama:
Prezident Irana byŭ paranieny padčas izrailskich udaraŭ
Nietańjachu vyłučyŭ Trampa na Nobieleŭskuju premiju
Tramp zajaviŭ, što Izrail pahadziŭsia na ŭmovy 60-dzionnaha pieramirja ŭ Hazie
Izrail upieršyniu surjozna razhladaje mahčymaść zaklučeńnia miru ź Siryjaj i Livanam