Izrail upieršyniu surjozna razhladaje mahčymaść zaklučeńnia miru ź Siryjaj i Livanam
Na Blizkim Uschodzie mohuć adbycca važnyja źmieny — Izrail upieršyniu surjozna razhladaje mahčymaść zaklučeńnia miru ź Siryjaj i Livanam. Jak paviedamlajecca, pieramovy ŭžo viaducca pry padtrymcy ZŠA, piša Bild.
Ministr zamiežnych spraŭ Izraila Hideon Saar padkreśliŭ, što mir z hetymi krainami važny, ale pry ŭmovie zachavańnia biaśpieki Izraila.
Kali hetyja damoŭlenaści buduć dasiahnutyja, heta stanie histaryčnym momantam, bo Siryja i Livan aficyjna znachodziacca ŭ stanie vajny ź Izrailem z 1948 hoda — z momantu stvareńnia Izrailskaj dziaržavy.
U Siryi paśla źviaržeńnia režymu Bašara Asada ŭ kancy 2024 hoda na źmienu jamu pryjšoŭ Achmied al-Šaraa. Praŭda, u Izraila jość sumnievy nakont jaho isłamisckaha minułaha, tamu CACHAŁ zaniaŭ bufiernuju zonu na miažy ź Siryjaj. Raniej Siryja mieła ciesnyja suviazi ź Iranam i Rasijaj.
U Livanie raniej daminavała hrupoŭka «Chiezbała», jakaja padtrymlivałasia Iranam i mieła vialiki rakietny arsienał suprać Izraila. Adnak vosieńniu 2024 hoda Izrail źniščyŭ kiraŭnictva hetaj arhanizacyi i bolšuju častku jaje ŭzbrajeńniaŭ. Paśla hetaha «Chiezbała» pačała stračvać upłyŭ i ŭnutry krainy.
Takim čynam, asłableńnie ŭpłyvu Irana na rehijon, jakoje adbyvajecca pry ŭdziele ZŠA i Izraila, adkryvaje mahčymaści dla novych mirnych damoŭlenaściaŭ.
Siryja ŭžo vystaviła ŭmovy dla mirnych pieramoŭ — siarod ich poŭny vyvad izrailskich vojskaŭ ź jaje terytoryi i spynieńnie avijaŭdaraŭ.
Adnak hałoŭnaj pieraškodaj zastajecca vajna Izraila z hrupoŭkaj CHAMAS u siektary Haza. Z-za vialikaj kolkaści achviar siarod mirnaha nasielnictva Izrail sutykajecca ź mižnarodnaj krytykaj.
CHAMAS napaŭ na Izrail 7 kastryčnika 2023 hoda, i niekatoryja analityki ličać, što metaj hetaj ataki było jakraz sarvać palapšeńnie izrailska-arabskich adnosin.
Bunkierny dzied. Chamieniei padčas vajny i palityčnaja budučynia Irana
U Iranie chavajuć vysokapastaŭlenych aficeraŭ, navukoŭcaŭ-jadzierščykaŭ, zahinułych padčas kanfliktu ź Izrailem
U Iranie zajavili, što Tramp pavinien źmianić ton, kali choča damovy
«Jaŭrej-sijanist napaŭ na iranskaje dzicia». U tvitary isteryja vakoł fejkaŭ pra biełarusa, jaki napaŭ na chłopčyka ŭ maskoŭskim aeraporcie
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary