HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi
HUBAZiK paviedamiŭ pra zatrymańnie dvuch žycharoŭ Mahilova, jakija nibyta sprabavali ŭjechać u Biełaruś z pašpartami Novaj Biełarusi. Imiony zatrymanych nie nazyvajucca. Adzin ź ich znachodzicca pad vartaj, druhi — pad padpiskaj.
Zdymak z zatrymanym, apublikavany hubazikaŭcami
Pavodle zajavy hubazikaŭcaŭ, adnaho z zatrymanych jany «jašče ŭ minułym hodzie papiaredžvali pra nastupstvy atrymańnia» takoha pašparta i, jak pišuć, jany prapanoŭvali ad dakumienta admovicca.
Dapoŭniena: HUBAZiK sfatahrafavaŭ zatrymanych z padroblenymi pašpartami Novaj Biełarusi
Ciapier mužčynu abvinavačvajuć pavodle č. 1 art. 361-4 KK Biełarusi — «sadziejničańnie ekstremisckaj dziejnaści», što moža ciahnuć da šaści hadoŭ pazbaŭleńnia voli. Jon źmieščany pad aryšt, pišuć hubazikaŭcy.
Druhi mahiloviec znachodzicca pad padpiskaj — pavodle hubazikaŭcaŭ, jon pahadziŭsia zapłacić 10 tysiač dołaraŭ — u «storazovym pamiery kampiensacyi», spadziejučysia na «spynieńnie kryminalnaj spravy za finansavańnie ekstremizmu».