Zialenski prapanavaŭ uznačalić urad Ukrainy Julii Śvirydzienka
Prezident Ukrainy prapanavaŭ pieršamu vice-premjer-ministru Ukrainy, ministru ekanomiki Julii Śvirydzienka ŭznačalić urad Ukrainy.
Fota z telehram-kanała Uładzimira Zialenskaha
«Abmierkavali i kankretnyja miery, jakija zmohuć umacavać ekanamičny patencyjał Ukrainy, pašyryć prahramy padtrymki ŭkraincaŭ i maštabavać našu ŭłasnuju vytvorčaść zbroi. Z hetaj metaj pačynajem transfarmacyju sistemy vykanaŭčaj ułady va Ukrainie. Ja prapanavaŭ Julii Śvirydzienka ŭznačalić urad Ukrainy i istotna abnavić jaho rabotu», — napisaŭ Zialenski ŭ svaim telehram-kanale.
Dzianis Šmyhal uznačalvaŭ urad Ukrainy z sakavika 2020 hoda. Imavierna, jon moža stać ministram abarony, tady jak siońniašniaha kiraŭnika vajskovaha viedamstva pryznačać pasłom u ZŠA.