Tramp: 17 sistem Patriot adpravim va Ukrainu

Vystupajučy ŭ Avalnym kabiniecie padčas sustrečy z hienieralnym sakratarom NATA Markam Rute, prezident ZŠA Donald Tramp zajaviŭ, što Vašynhton uviadzie surovyja sankcyi suprać Rasii i jaje handlovych partnioraŭ, kali ciaham 50 dzion nie budzie dasiahnuta pahadnieńnie ab spynieńni ahniu va Ukrainie. Jon paabiacaŭ taksama masavyja pastaŭki zbroi.

Donald Tramp. Fota: Win McNamee/Getty Images

«My źbirajemsia ŭvieści vielmi strohija myty, kali nie budzie zaklučana pahadnieńnie praz 50 dzion. Myty, jakija składajuć kala 100%, my nazyvajem ich druhasnymi taryfami», — zajaviŭ Tramp.

Hienieralny sakratar Mark Rute, sa svajho boku, padkreśliŭ, što kali b jon byŭ na miescy Pucina, to paśla zajavy Trampa pra 50 dzion «padumaŭ by, ci nie treba sieści za stoł pieramoŭ z Ukrainaj».

Taksama, pavodle słoŭ Trampa, ZŠA i NATA dasiahnuli damoŭlenaści ab pastaŭkach zbroi Ukrainie. Vydatki lahuć na jeŭrapiejskija krainy, a Amieryka zabiaśpiečyć vytvorčaść, zajaviŭ Tramp. Kaardynacyjaj pastavak zojmiecca NATA.

Tramp znoŭ skazaŭ, što rasčaravany va Uładzimiry Pucinie, bo dumaŭ, što pahadnieńnie budzie zaklučana jašče dva miesiacy tamu, ale sprava da hetaha tak i nie dajšła.

 «Heta ŭsie razmovy, a potym rakiety laciać u Kijeŭ i zabivajuć ludziej», — zajaviŭ jon, kamientujučy situacyju vakoł Ukrainy.

Jon paabiacaŭ surjozna uzbroić Kijeŭ, to-bok padtrymać tak, kab Ukraina adčuła, što stała macniejšaj.

Pavodle słoŭ Trampa, 17 sistem Patriot rychtujucca da adpraŭki va Ukrainy. I choć ukraincam, maŭlaŭ, nie buduć patrebnyja adrazu ŭsie, ale vialikaja kolkaść hetych sistem buduć na poli boju.

«Havarycie što chočacie pra Ukrainu, ale ŭ pačatku vajny ŭ ich nie było šancaŭ. U ich i nie było b šancaŭ biez našaha ŭzbrajeńnia, samaha najlepšaha ŭ śviecie, ale ŭ ich była śmiełaść, śmiełaść vykarystoŭvać zbroju», — skazaŭ Tramp.

Kamientary da artykuła