BIEŁ Ł RUS

Zialenski pahavaryŭ z Trampam paśla jahonaj zajavy pa Rasii

14.07.2025 / 23:16

Nashaniva.com

Prezident Uładzimir Zialenski pravioŭ telefonnuju razmovu z Donaldam Trampam, padčas jakoj jany abmierkavali niadaŭniuju sustreču prezidenta ZŠA z hienieralnym sakratarom NATA Markam Rute, piša «Ukrainskaja praŭda».

Uładzimir Zialenski. Fota: Jonathan Raa NurPhoto via Getty Images

«Havaryŭ z prezidentam ZŠA Donaldam Trampam. Vielmi dobraja razmova. Dziakuj za hatoŭnaść padtrymlivać Ukrainu i pracavać u dalejšym razam, kab spynić zabojstvy i ŭstalavać praciahły i spraviadlivy mir.

Prezident Tramp raskazaŭ pra svaju sustreču z hienieralnym sakratarom NATA Markam Rute. Važna, što ŭ nas takija dobryja adnosiny i krainy aljansu imknucca pavialičvać vydatki na abaronu», — paviedamiŭ pra vyniki razmovy sam Uładzimir Zialenski.

Zialenski taksama paviedamiŭ, što jany z Trampam abmierkavali srodki i rašeńni, kab «dać bolš abarony ludziam ad rasijskich udaraŭ i ŭmacavać našy pazicyi».

Taksama, pa słovach prezidenta Ukrainy, jany damovilisia čaściej stelefanoŭvacca i kaardynavać svaje kroki.

Pierad hetym Tramp znoŭ vykazaŭ niezadavolenaść dziejańniami Rasii i zajaviŭ, što Złučanyja Štaty ŭviaduć žorstkija sankcyi jak suprać jaje samoj, tak i suprać jaje handlovych partnioraŭ, kali ciaham 50 dzion nie budzie dasiahnutaja damoŭlenaść ab miry va Ukrainie. Taksama jon paviedamiŭ pra dasiahnutaje pahadnieńnie z NATA, jakoje dazvolić pastaŭlać Ukrainie amierykanskuju sučasnuju zbroju za jeŭrapiejskija hrošy. 

Čytajcie taksama:

«Kali ty chočaš vajny — my ŭzbroim Ukrainu, a Jeŭropa za heta zapłacić». Pradstaŭnik ZŠA pry NATA raskazaŭ pra sihnał Pucinu

ZŠA pastaviać praz NATA zbroju Ukrainie na $10 miljardaŭ

Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie

Tramp: 17 sistem Patriot adpravim va Ukrainu

Kamientary da artykuła