«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi
Brazilii, Kitaju i Indyi varta patelefanavać rasijskamu dyktataru Uładzimiru Pucinu i zaklikać jaho da pieramirja, kali jany žadajuć paźbiehnuć druhasnych sankcyj, zajaviŭ hienieralny sakratar NATA, piša Fox News.
Fota: AP Photo / Geert Vanden Wijngaert
«Heta važna. Tamu siońnia, kali vy znachodziciesia ŭ Piekinie, Deli ci Brazilii i viedajecie, što heta nabližajecca, vam, mahčyma, varta patelefanavać Pucinu i skazać: «Pryvitańnie, siabra, my ŭsio jašče kuplajem u ciabie tavary, ale ty pavinien surjozna pastavicca da pieramovaŭ ab pieramirji ci mirnaj damovie, inakš my pacierpim ad druhasnych sankcyj»», — zajaviŭ jon.
Učora, 14 lipienia, kiraŭnik Biełaha doma Donald Tramp pryhraziŭ uvieści druhasnyja pošliny ŭ pamiery 100% suprać handlovych partnioraŭ Rasii, kali na praciahu bližejšych 50 dzion nie budzie dasiahnuta damoŭlenaści ab miry va Ukrainie.