Tramp razhladaje mahčymaść pastavak Ukrainie rakiet Tomahawk
Tramp dumaje pra pastaŭki Kijevu kryłatych rakiet Tomahawk — toj samaj zbroi, jakuju ZŠA vykarystoŭvali suprać Irana ŭ červieni.
Donald Tramp. Fota: Kevin Dietsch/Getty Images
U svajoj kałoncy pad zahałoŭkam «Akazvajučy cisk na Pucina, Tramp «eskałuje, kab deeskałavać» ahladalnik haziety The Washington Post Devid Ihnacius spasyłajecca na razmovu pamiž prezidentam ZŠA i Uładzimiram Zialenskim, što adbyłasia na minułym tydni.
Tramp spytaŭ Zialenskaha, čamu toj nie bje pa Maskvie, — śćviardžajuć krynicy žurnalista. — «My možam heta zrabić, kali vy nam daście zbroju», — adkazaŭ Zialenski. Tramp skazaŭ, što Ukraina pavinna akazvać bolšy cisk na Pucina — i heta datyčycca nie tolki Maskvy, ale Sankt-Pieciarburha.
Pavodle danych surazmoŭcaŭ Ihnaciusa, Tramp dumaje pra pastaŭki Kijevu kryłatych rakiet Tomahawk — toj samaj zbroi, jakuju ZŠA vykarystoŭvali suprać Irana ŭ červieni.
«Kali ich zapuścić z Ukrainy, jany mohuć udaryć pa Maskvie i Sankt-Pieciarburhu. Jašče ŭ piatnicu jany byli siarod varyjantaŭ, što abmiarkoŭvalisia. Adnak, jak mnie paviedamili, pakul «Tamahaŭki» nie ŭklučany ŭ śpis zbroi, jakaja pastaŭlajecca. Ich mohuć pastavić paźniej, kali Tramp zachoča akazać jašče bolšy cisk na Rasiju», — havorycca ŭ publikacyi.
Čytajcie taksama:
ZŠA i Brytanija nanieśli ŭdar pa Jemienie
Źniasilenyja vajnoj. Zachad jašče dapamahaje Ukrainie trymacca, ale ŭžo nie dapamahaje pieramahać